ဆေးတွေက အသားခြောက်စေတတ်သလား။ ဆေးကြောင့် အသားခြောက်တာကို ဘယ်လိုကုသကြမလဲ။
ဆေးတွေက အသားခြောက်စေတတ်သလား။ ဆေးကြောင့် အသားခြောက်တာကို ဘယ်လိုကုသကြမလဲ။
- အသားခြောက်စေတတ်တဲ့ အကြောင်းအရာတွေအများကြီးရှိပါတယ်။ ပုံမှန်အသားရေရှိသူတွေ၊ အဆီပြန်အသားရေရှိသူတွေတောင် မကြာခဏဆိုသလို အသားခြောက်သွေ့တဲ့ပြဿနာနဲ့ကြုံတွေ့ရနိုင်တာဆိုတော့ နဂိုကတည်းက ခြောက်သွေ့တဲ့အသားရေပိုင်ရှင်တွေမှာ အသားခြောက်တဲ့ပြဿနာတွေနဲ့ ပိုလို့တောင်ကြုံတွေ့ရနိုင်သေးတာပေါ့။ အဲဒီအသားခြောက်ရတဲ့ပြဿနာတွေထဲမှာ သောက်သုံးတဲ့ဆေးဝါတွေကြောင့်လည်းဖြစ်နိုင်ပါတယ်။ ဒီဆောင်းပါးမှာတော့ ဘယ်ဆေးဝါးတွေက အသားခြောက်တာကို ပိုဖြစ်စေနိုင်သလဲဆိုတာနဲ့ ဘယ်လိုကုသကာကွယ်ကြမလဲဆိုတာကို ပြောပြပေးမှာပါ။
-ဆီးဆေးများ(Diuretics)
ဆီးဆေးတွေက ခန္ဓာကိုယ်ထဲက ဆားဓာတ်တွေနဲ့ ရေဓာတ်တွေကျောက်ကပ်ကတဆင့်စွန့်ပစ်နိုင်အောင် အကူအညီပေးပါတယ်။ သွေးတိုးရှိသူတွေ၊ နှလုံးရောဂါရှိသူတွေ၊ အသည်းရောဂါရှိသူတွေဟာ ဆီးဆေးသောက်သုံးရလေ့ရှိပါတယ်။ ခန္ဓာကိုယ်ထဲက ရေဓာတ်တွေဆုံးရှုံးသွားတာဆိုတော့ အသားခြောက်တဲ့ပြဿနာကိုပါ ဘေးထွက်ဆိုးကျိုးအနေနဲ့ နောက်ဆက်တွဲဖြစ်စေနိုင်ပါတယ်။
- သွေးတွင်းအဆီကျဆေးများ (Statins)
သွေးတွင်းမှာအဆီတွေစုပုံတာကို လျှော့ချဖို့အတွက် Statins တွေအသုံးပြုတဲ့အခါမှာလည်း အသားခြောက်တာဖြစ်ပေါ်နိုင်ပါတယ်။ သွေးတွင်းအဆီကျဆေးတွေကအရေပြားမှာရှိတဲ့ မွေးညှင်းပေါက်ငယ်လေးတွေကိုကျယ်စေနိုင်ပြီး ရေဓာတ်တွေပိုဆုံးရှုံးစေနိုင်ပါတယ်။ ဒီနောက်မှာတော့ အသားခြောက်သွေ့တာ၊ အနီစက်တွေပေါ်တာ၊ အရေပြားတွေကွာတာတွေဖြစ်ပေါ်နိုင်ပါတယ်။
- ဓာတ်မတည့်မှုများအတွက် အသုံးပြုသည့်ဆေးဝါးများ (Antihistamines)
ဓာတ်မတည့်တဲ့ လက္ခဏာတွေဖြစ်တဲ့ နှာစေးနှာပိတ်ဖြစ်တဲ့အခါ၊ ယားယံတဲ့အခါမှာ antihistamines တွေကိုအသုံးပြုကြပါတယ်။ ဒီဆေးတွေကအရေပြားမှာ အဆီထုတ်လုပ်တာကို လျော့ကျစေနိုင်ပြီး အသားခြောက်စေနိုင်ပါတယ်။
- ဝက်ခြံကုသရမှာ အသုံးပြုတဲ့ဆေးဝါးများ (Acne medication)
ဝက်ခြံကုသတဲ့အခါမှာ အဆီထွက်ရှိမှုကိုလျော့ကျသွားအောင် Retinoids လိုဆေးမျိုးတွေကို အသုံးပြုရပါတယ်။ လိမ်းဆေးဖြစ်နိုင်သလို သောက်ဆေးလည်းဖြစ်နိုင်ပါတယ်။ အထူးသဖြင့်တော့ တခြားဆေးနဲ့ သိပ်မတိုးတဲ့ဝက်ခြံသမားတွေကိုကုသရမှာအသုံးပြုပြီး အဆီထွက်ရှိမှုကို လျော့ကျစေပြီး ခန္ဓာကိုယ်တစ်ခုလုံးမှာ ခြောက်သွေ့မှုတွေဖြစ်ပေါ်စေနိုင်ပါတယ်။
- ဘယ်လိုကာကွယ်ကုသကြမလဲ။
ဆေးဝါးတွေသောက်သုံးရတယ်ဆိုတာကလည်း လိုအပ်လို့သောက်သုံးရတာဆိုတော့ ဒီဆေးတွေကို အသုံးမပြုဘဲနေလို့မရဘူး။ အသားခြောက်တာကလည်း ပိုဆိုးလာနေတယ်ဆိုရင် ကာကွယ်ကုသမှုတွေတော့ ပြုလုပ်ရပါမယ်။ အရေးကြီးဆုံးလုပ်ရမှာကတော့ ရေဓာတ်ဖြည့်တင်းဖို့ပါ။ ရေအများကြီးသောက်တာ၊ ကော်ဖီနဲ့ အရက်ရှောင်တာတွေ ပြုလုပ်ရပါမယ်။ ဒါ့အပြင် သောက်ဆေးမဟုတ်တဲ့ အသားခြောက်တာကို ကာကွယ်ပေးနိုင်တဲ့ အသားရေထိန်းသိမ်းမှုပစ္စည်းတွေ အသုံးပြုလို့ရပါတယ်။
ခြောက်သွေ့တဲ့အသားရေပိုင်ရှင်တွေအနေနဲ့ ကိုယ်နဲ့ကိုက်ညီတဲ့ အသားရေထိန်းသိမ်းမှုပစ္စည်းတွေရှာဖွေရတာက စိန်ခေါ်မှုတစ်ခုဖြစ်ပါတယ်။ ကိုယ်နဲ့ကိုက်ညီတဲ့ skincare ရှာရခက်သလို တွေ့ခဲ့ရင်လည်း အမှတ်တံဆိပ်တစ်မျိုးတည်းနဲ့ အကုန်ရနိုင်ဖို့မလွယ်ပါဘူး။ ဒီမှာတင် ကိုယ်နဲ့မကိုက်ညီဘဲအသုံးပြုနေရတာ၊ ဘရန်းအမျိုးမျိုးလျှောက်သုံးနေရတာတွေ ကြုံရပါတယ်။
အသားခြောက်တတ်သူတွေအတွက် သီးသန့်ထုတ်လုပ်ထားတဲ့ BIODERMA ရဲ့ Atoderm series ကတော့ ခြောက်သွေ့တဲ့အသားရေပိုင်ရှင်တွေ ကြုံတွေ့ရတဲ့အရေပြားပြဿနာတွေကို သက်သာပျောက်ကင်းအောင် အထူးပြုထုတ်လုပ်ထားတာဖြစ်တဲ့အပြင် အသားရေထိန်းသိမ်းမှုလုပ်ငန်းစဉ်တစ်ခုလုံး အစကနေအဆုံးထိ ခြုံငုံမိအောင် ထုတ်လုပ်ထားတာဖြစ်တာကြောင့် အသားခြောက်တာကြောင့် ဒုက္ခများနေရတဲ့သူတွေအတွက် အကောင်းဆုံးဖြစ်မှာပါ။
သွေးပေါင်ကျဆေး၊ သွေးတွင်းအဆီချဆေးသောက်သုံးနေရသူများ၊ ဝက်ခြံအတွက်ကုသမှုခံယူနေသူများမှာ အသားအရေခြောက်သွေ့မှုများဖြစ်လာတတ်ပါတယ်။ ခြောက်သွေ့သောအသားအရေဖြစ်လာလျှင် ထိခိုက်လွယ်ပြီး ယားယံခြင်းများဖြစ်လာနိုင်ပါတယ်။ ထိုသူများအနေဖြင့် ရေပူဖြင့်ရေချိုးခြင်း၊ chemical ပါဝင်မှုနှုန်းများသောရေချိုးဆပ်ပြာနှင့် lotionများအသုံးပြုခြင်းတို့ကိုရှောင်ကြဥ်သင့်ပါတယ်။
-Dr.name - Dr.Thuzar Htun
-Clinic Name - The Best Clinic