အသားခြောက်တတ်သူတွေအတွက် ဘယ်လိုနေလောင်ကာခရင်မ်အသုံးပြုမလဲ

------------------------

အသားအရေကြောင့် ကရိကထများရတဲ့အထဲမှာ အသားခြောက်တတ်သူတွေလည်းပါပါတယ်။ ခြောက်သွေ့တဲ့အသားရေပိုင်ရှင်တွေဟာ နောက်ဆက်တွဲ အသားရေပျက်စီးမှုနဲ့ ဓာတ်မတည့်မှုတွေပိုပြင်းထန်တတ်တဲ့အတွက်ကြောင့် အသားရေထိန်းသိမ်းမှုပစ္စည်းတွေရွေးချယ်ရတဲ့အခါမှာ ပိုပြီးသတိထားရပါတယ်။ ခြောက်သွေ့တဲ့အသားရေရှိသူတွေအပေါ်မှာ နေရောင်က ဘယ်လိုသက်ရောက်မှုရှိလဲဆိုတာနဲ့ ဘယ်လိုနေလောင်ကာခရင်မ်မျိုးကိုရွေးချယ်အသုံးပြုသင့်လဲဆိုတာကို ပြောပြပေးမှာပါ။

အသားခြောက်တတ်သူမှန်း ဘယ်လိုသိနိုင်မလဲ

အသားရေအမျိုးမျိုးရှိတဲ့အထဲက အသားခြောက်တတ်သူတစ်ယောက်ဆိုရင် ဒီလိုလက္ခဏာတွေခံစားရနိုင်ပါတယ်။

ရေချိုးပြီးတဲ့အချိန်၊ ရေကူးပြီးတဲ့အချိန်တွေမှာ အသားရေက တင်းတင်းကျပ်ကျပ်ကြီးဖြစ်နေတာ။

အသားရေကိုကြည့်လိုက်ရင် ကြမ်းတမ်းနေတာ

ယားယံတာ
အရေပြားတွေကွာတာ
နီရဲရောင်ရမ်းတာ
ကွဲအက်ပြီးသွေးထွက်တာ

အသားအရေပေါ် နေရောင်က ဘယ်လိုသက်ရောက်မှုရှိလဲ

နေရောင်ထဲမှာ ခရမ်းလွန်ရောင်ခြည်သုံးမျိုးပါဝင်ပါတယ်။ UVA, UVB နဲ့ UVC ဆိုပြီးတော့ပါ။ ဒီထဲမှာ အဆိုးဆုံးက UVC ဖြစ်ပြီးထိတွေ့မှုရှိရင် အရေပြားကင်ဆာလို ပြင်းထန်တဲ့ဆိုးကျိုးတွေဖြစ်ပေါ်စေနိုင်ပါတယ်။ ဒါပေမယ့် ကံကောင်းစွာနဲ့ပဲ အိုဇုန်းအလွှာရဲ့ အကာကွယ်ပေးမှုကြောင့် UVC ကို လူတွေပြင်းပြင်းထန်ထန်မခံစားကြရပါဘူး။ UVA နဲ့ UVC ကတော့အိုဇုန်းလွှာကိုဖောက်ထွင်းပြီး လူတွေရဲ့ အရေပြားပေါ်သက်ရောက်မှုတွေဖြစ်ပေါ်စေနိုင်ပါတယ်။

ခရမ်းလွန်ရောင်ခြည်တွေနဲ့ ထိတွေ့မှုရှိတဲ့အခါ အများဆုံးဖြစ်တာကတော့ နေလောင်တာဖြစ်ပါတယ်။ ဒီနောက်မှာ အသားရေတွေမည်းခြောက်လာတာ၊ အသားရေတွန့်တာတွေဖြစ်လာတာ၊ အရွယ်မတိုင်ခင် အသားရေအိုမင်းရင့်ရော်တာ၊ ကိုယ်ခံအားကျဆင်းတာနဲ့အရေပြားကင်ဆာလိုပြဿနာတွေဖြစ်နိုင်ပါတယ်။

နေရောင်နဲ့ ခြောက်သွေ့တဲ့အသားရေရှိသူများ

နေရောင်က အသားရေမှာရှိတဲ့ရေဓာတ်ကို ဆုံးရှုံးစေနိုင်တာကြောင့် နဂိုကတည်းက အသားခြောက်တတ်သူတွေ အပေါ်မှာ ပိုပြီးခြောက်သွေ့စေပါတယ်။ နောက်ဆက်တွဲအနေနဲ့ အရေပြားတွေကွာကျတာ၊ အရေးကြောင်းတွေနဲ့ အသားရေကွဲအက်ရောင်ရမ်းမှုတွေ ဆက်ဖြစ်ပေါ်စေနိုင်ပါတယ်။

ခြောက်သွေ့အသားရေပိုင်ရှင်တွေအတွက် နေလောင်ကာခရင်မ်

BIODERMA ကထုတ်လုပ်တဲ့ Photoderm Max SPF 50+ ဟာ ခြောက်သွေ့အသားရေနဲ့ တုံ့ပြန်လွယ်အသားရေပိုင်ရှင်တွေအတွက် သီးသန့်ထုတ်လုပ်ထားတဲ့နေလောင်ကာခရင်မ်ဖြစ်ပါတယ်။ UVA ရော UVB ရောရဲ့ရန်ကနေကာကွယ်ပေးတယ်။ အရေပြားရဲ့သဘာဝအတိုင်းရှိတဲ့အကာအကွယ်ရဲ့စွမ်းအင်ကိုမြှင့်တင်ပေးပြီး အသားရေကိုထိခိုက်မှုတွေမဖြစ်အောင်ကာကွယ်ပေးနိုင်တယ်။ နေရောင်ကြောင့် နေလောင်တာတွေမဖြစ်အောင်၊ အရေးအကြောင်းတွေနဲ့ အချိန်မတိုင်မီ အိုမင်းရင့်ရော်တာတွေမဖြစ်လာအောင် ကာကွယ်ပေးပါတယ်။ ရေစိုခံပြီး စေးကပ်ကပ်ဖြစ်တာ၊ ချွေးပေါက်တွေပိတ်ဆို့တာမျိုးတွေလည်းမဖြစ်ပါဘူး။

အသားရေခြောက်တဲ့သူတွေဟာ နေလောင်ဒဏ်ကို ပိုခံရတတ်တဲ့အတွက်ကြောင့် မဖြစ်မနေ နေလောင်ကာခရင်မ်အသုံးပြုဖို့လိုအပ်ပါတယ်။ နေလောင်ကာခရင်မ်ရွေးချယ်ရခက်နေရင်တော့ အသားခြောက်သူတွေအတွက်သီးသန့်ထုတ်လုပ်ထားတဲ့ BIODERMA နေလောင်ကာခရင်မ်ကို ရွေးချယ်အသုံးပြုနိုင်ပါတယ်။