အရေပြားအထူးကုပညာရှင်များက အကြံပြုတဲ့ အသားခြောက်တာကို ဖြေရှင်းကုသနိုင်မယ့်နည်းလမ်းများ
အရေပြားအထူးကုပညာရှင်များက အကြံပြုတဲ့ အသားခြောက်တာကို ဖြေရှင်းကုသနိုင်မယ့်နည်းလမ်းများ
အစိုဓာတ်လျော့နည်းသွားတဲ့အချိန် ဥပမာ ဆောင်းရာသီလိုမျိုးအချိန်တွေမှာ အသားခြောက်တဲ့ပြဿနာတွေက ပိုဆိုးလာတတ်ပါတယ်။ အဲဒီလိုအသားခြောက်တဲ့ပြဿနာတွေနဲ့ကြုံတွေ့ရချိန် အသားရေထိန်းသိမ်းမှုလုပ်ငန်းစဉ်တွေကို သေချာမလုပ်ဘူးဆိုရင် အသားခြောက်သွေ့တာကနေ အရေးအကြောင်းတွေဖြစ်ပေါ်တာ၊ အရေပြားတွေကွာတာ၊ ကွဲအက်တာနဲ့သွေးထွက်တာတွေဖြစ်ပေါ်နိုင်ပါတယ်။
ဒါတွေကို ကာကွယ်နိုင်ဖို့အတွက် အရေပြားအထူးကုပညာရှင်တွေက လိုက်နာကျင့်သုံးရမယ့်အချက်တွေကို အကြံပြုထားပါတယ်။
ရေချိုးတဲ့အခါမှာ ဒီအချက်လေးတွေကို လိုက်နာပေးပါ။
ရေပူတာကိုမသုံးပါနဲ့။ နွေးရုံလောက်အလွန်ဆုံးသုံးပါ။
ရေချိုးချိန်ကို ၅ မိနစ်နဲ့ ၁၀မိနစ်ကြားသာထားပါ။
အေမြးနံ့သာမပါဘဲ နူးညံ့တဲ့ဆပ်ပြာမျိုးကိုသာအသုံးပြုပါ။
မျက်နှာသစ်ဆေး၊ ဆပ်ပြာအများကြီးသုံးတာကိုရှောင်ပါ။
ရေသုတ်တဲ့အခါ ခပ်ဖွဖွဖိသုတ်ပါ။ မပွတ်တိုက်ပါနဲ့။
ရေချိုးပြီးတာနဲ့ချက်ခြင်း အစိုထိန်းခရင်မ်လိမ်းပါ။
- အစိုထိန်းခရင်မ်လိမ်းတဲ့အခါ ရေချိုးပြီး မျက်နှာသစ်ပြီး ခြောက်တာနဲ့ ချက်ခြင်းလိမ်းပါ။ အချိန်ကြာကြီး မလိမ်းသေးဘဲထားရင် ရေဓာတ်တွေဆုံးရှုံးသွားပြီး တင်းတင်းကြီးဖြစ် အသားရေတွေ ပျက်စီးပါလိမ့်မယ်။
- အဆီပုံစံ ဒါမှမဟုတ် ခရင်မ်ပုံစံရှိတဲ့ အစိုထိန်းခရင်မ်တွေက ရေဓာတ်ကို အချိန်ကြာမြင့်စွာပိုထိန်းနိုင်တဲ့အတွက်ကြောင့် အသားခြောက်တဲ့သူတွေနဲ့ကိုက်ပါတယ်။ လိုးရှင်းပုံစံကတော့ အရည်ကျဲပြီး သိပ်ကြာကြာမခံပါဘူး။
- လက်တွေကိုလည်း မမေ့ပါနဲ့။ လက်တွေကလည်း အသားခြောက်တတ်ပါတယ်။ အရေပြားတွေကွဲအက်တတ်ပါတယ်။ လက်တွေကိုလည်း Hand cream လိမ်းဖို့မမေ့ပါနဲ့နော်။
- နှုတ်ခမ်းဖူးလေးတွေကိုလည်း ပစ္ထားလို့မရပါဘူး။ အနံ့အသက်နဲ့ အရောင်မပါတဲ့ နှုတ်ခမ်းအဆီလေးတွေကို အသုံးပြုနိုင်ပါတယ်။
- ခြောက်သွေ့တဲ့အသားရေပိုင်ရှင်တွေအတွက် သီးသန့်ထုတ်လုပ်ထားတဲ့ အသားရေထိန်းသိမ်းမှုပစ္စည်းတွေကိုအသုံးပြုပါ။ ဒါက အရေးကြီးပါတယ်။ အသားခြောက်သူတွေဟာ အစိုဓာတ်ကိုဖြည့်တင်းဖို့ ထိန်းသိမ်းဖို့လိုအပ်တတ်သလို ဓာတ်မတည့်ဖြစ်နိုင်ခြေလည်းအရမ်းများလို့ တခြားအသားရေတွေအတွက် ထုတ်လုပ်ထားတဲ့ပစ္စည်းတွေကို အသုံးပြုရင် ဘေးထွက်ဆိုးကျိုးများတတ်တာကြောင့်ပါ။ အထူးသဖြင့်တော့ အနံ့ပြင်းတာတွေ၊ အရက်ပျံပါတာတွေကိုရှောင်ကျဉ်ရပါမယ်။
- လက်တအားခြောက်တဲ့အခါ၊ ဆောင်းတွင်းဘက်အပြင်ထွက်ရတဲ့အခါ၊ ရေစိုနေတဲ့အလုပ်တွေလုပ်ရတာမျိုး (ဥပမာပန်းကန်ဆေးတာ)၊ ဓာတုပစ္စည်းတွေကိုင်တွယ်ရတာ (ဥပမာ အစွန်းချွတ်ဆေး) တွေလုပ်တဲ့အခါ လက်အိတ်မဖြစ်မနေဝတ်ပါ။
- ဓာတ်မတည့်မဖြစ်နိုင်တဲ့ အဝတ်အစားနဲ့ အဝတ်လျှော်ဆပ်ပြာတို့ကို အသုံးပြုပါ။
- ဆောင်းတွင်းလို အသားခြောက်တဲ့အချိန်မျိုးမှာ Humidifier အသုံးပြုပါ။
ခြောက်သွေ့တဲ့အသားရေပိုင်ရှင်တွေအနေနဲ့ ကိုယ်နဲ့ကိုက်ညီတဲ့ အသားရေထိန်းသိမ်းမှုပစ္စည်းတွေရှာဖွေရတာက စိန်ခေါ်မှုတစ်ခုဖြစ်ပါတယ်။ ကိုယ်နဲ့ကိုက်ညီတဲ့ skincare ရှာရခက်တာ တွေ့ခဲ့ရင်လည်း အမှတ်တံဆိပ်တစ်မျိုးတည်းနဲ့ အကုန်ရနိုင်ဖို့မလွယ်ပါဘူး။ ဒီမှာတင် ကိုယ်နဲ့မကိုက်ညီဘဲအသုံးပြုနေရတာ၊ ဘရန်းအမျိုးမျိုးလျှောက်သုံးနေရတာတွေ ကြုံရပါတယ်။
အသားခြောက်တတ်သူတွေအတွက် သီးသန့်ထုတ်လုပ်ထားတဲ့ BIODERMA ရဲ့ Atoderm series ကေတာ့ ခြောက်သွေ့တဲ့အသားရေပိုင်ရှင်တွေ ကြုံတွေ့ရတဲ့အရေပြားပြဿနာတွေကို သက်သာပျောက်ကင်းအောင် အထူးပြုထုတ်လုပ်ထားတာဖြစ်တဲ့အပြင် အသားရေထိန်းသိမ်းမှုလုပ်ငန်းစဉ်တစ်ခုလုံး အစကေနအဆုံးထိ ခြုံငုံမိအောင် ထုတ်လုပ်ထားတာဖြစ်တာကြောင့် အသားခြောက်တာကြောင့် ဒုက္ခများနေရတဲ့သူတွေအတွက် အကောင်းဆုံးဖြစ်မှာပါ။