ပြဿနာ၏အဖြေနှင့်ကုသခြင်း
ဗောက်ပြဿနာသည် တခါတရံ နည်းနည်းပါးပါး၊ တခါတရံ အလယ်အလတ် (သို့) တခါတရံ ဆိုးဆိုးဝါးဝါး ဖြစ်တတ်လေ့ရှိပါသည်။ ၎င်းသည် အဖြစ်များလေ့ရှိပြီး အမျိုးသားများထက် အမျိုးသမီးများတွင် ပိုမို ဖြစ်တတ်လေ့ ရှိပါသည်။ မည်သည့်ဆံသားနှင့်ဦးရေပြား အမျိုးအစားမဆို ဖြစ်တတ်လေ့ရှိပါသည်။ ထိုသို့ ဖြစ်ပွားရသော အကြောင်းအရာများမှာ မှိုရောဂါစွဲကပ်ခြင်းကြောင့်ဖြစ်စေ၊ ပတ်ဝန်းကျင်ဆိုင်ရာ မျိုးရိုးဗီဇ ကြောင့်ဖြစ်စေဖြစ်ပွား တတ်ပါသည်။
ဗောက်သည် Malassezia ဟုခေါ်သော မှိုရောဂါတစ်မျိုးဝင်ရောက်လာမှုကြောင့်ဖြစ်ပွားလေ့ရှိပါသည်။ ၎င်းသည် အရေပြားအပေါ်ဆုံး အလွှာရှိ ဆဲလ်များကို အသစ်တဖန် လျင်မြန်စွာပွားများစေပြီး ထိုဆဲလ်များသည် ဦးရေပြားပေါ်တွင် အဖတ်ကြီးများကဲ့သို့ဖြစ်ပေါ်လာပြီး စေးကပ်ခြင်း (သို့) ဦးခေါင်းမှ ကွာကျခြင်းတို့ ဖြစ်တတ်လေ့ ရှိပါသည်။ ထိုအဖတ်များသည် အဆီပြန်သကဲ့သို့ အဝါရောင် နှင့် မီးခိုးရောင် စပ်ထားသော အရောင်အနေဖြင့် တွေ့ရလေ့ရှိပါသည်။
ဗောက်ထပါက ဦးရေပြားမခံနိုင်ဖြစ်ခြင်း၊ အလွန်အမင်းယားယံခြင်းတို့ ဖြစ်လေ့ရှိပါသည်။ ဗောက်များကို သင်၏ ဆံသားများကြားတွင် တွေ့မြင်နိုင်ပြီး များသောအားဖြင့် ဆံသားပုံစံပြုပြင်ရာ၌ သင်၏ လည်ပင်းနှင့် ပခုံးတို့တွင် တွေ့မြင်ရလေ့ရှိသည်။ ပင်ပန်းနွမ်းနယ်မှု၊ စိတ်ဖိစီးမှု၊ ညစ်ညမ်းမှုနှင့် ဆောင်းရာသီတို့သည်Malassezia မှိုကို ပိုမိုပွားများလာစေနိုင်ပြီး ဗောက်များကို ပိုမိုဖြစ်ပွားစေနိုင်ပါသည်။
ခြောက်သွေ့သောဗောက်နှင့် အဆီပြန်ဗောက်ဟူ၍ နှစ်မျိုးရှိပါသည်။ ၎င်းတို့ပုံသဏ္ဍန်ကို ကြည့်ခြင်းဖြင့်
၎င်းတို့ကို ဖြစ်စေသော အဓိကအကြောင်းအရင်းကို သိရှိနိုင်ပါသည်။
အကယ်၍ ဆိုးရွားသောဗောက်များအကြောင်း စိုးရိမ်ပူပန်ပါက အရေပြားဆိုင်ရာအထူးကုများဖြင့် ဆွေးနွေးတိုင်ပင်ပါ။
ဂျွတ်ပွေးနာ ဟုခေါ်သော အရေပြားရောဂါသည် ခြောက်သွေ့သောနေရာများတွင် အကြေးခွံများကဲ့သို့ ဖြစ်ပေါ်နေပြီး အထူးသဖြင့် ဦးရေပြား၏ အစွန်းများတွင် ထူထပ်သော အဖတ်များအဖြစ် တွေ့မြင်နိုင်ပါသည်။ ၎င်းအဖတ်များသည် လုံးဝန်းသောပုံစံ (သို့) ဘဲဥပုံသဏ္ဍန်ရှိပြီး နီမြန်းခြင်း၊ အကြေးခွံများနှင့်အတူ တွေ့မြင်နိုင်ပါသည်။ ထိုအကြေးခွံများသည် အရွယ်အစားမျိုးစုံရှိပြီး ဦးရေပြားတစ်ခုလုံးကို ခမောက်ဖြင့်ကာထားသကဲ့သို့ ဖြစ်နေပါသည်။ ၎င်းတို့သည် ခြောက်သွေ့ပြီး ငွေရောင်၊ အဖြူရောင်ရှိကာ စေးကပ်နေတတ်ပါသည်။
ထိုကဲ့သို့ဖြစ်ပေါ်စေခြင်းသည် အလွန်အမင်း ယားယံခြင်း၊ မျိုးရိုးဗီဇ၊ စိတ်ဖိစီးမှု၊ ပိုးစင်ရောဂါများ (မျက်လုံး၊ နှာခေါင်း၊ လည်ပင်း၊ သွား အစရှိသဖြင့်) အချို့သောဆေးဝါးများ (ငှက်ဖျားဆေး ၊ နှလုံးဆေး စသဖြင့်) သက်ဆိုင်ပါသည်။
အကြေးခွံတွေဖြစ်လာခြင်းသည် (SD) နှင့် ဂျွတ်ပွေးနာ ရောဂါနှစ်မျိုးနှင့် သက်ဆိုင်ပါသည်။
1. Seborrhoeic dermatitis တွင် အကြေးခွံများသည် ဗောက်များကဲ့သို့ Malassezia ဟုခေါ်သောမှိုရောဂါကြောင့် ဖြစ်လေ့ရှိပါသည်။
2. ဂျွတ်ပွေးနာ တွင်မူ မှိုရောဂါကြောင့်မဟုတ်ပဲ ပတ်ဝန်းကျင်ဆိုင်ရာ လက္ခဏာများ၊ မျိုးရိုးဗီဇများကြောင့် ဖြစ်လေ့ရှိပါသည်။
သင်၏ဆံသားနှင့်ဦးရေပြားကို တစ်ပတ်တွင် ၂ ကြိမ် မှ ၃ ကြိမ် အောက်ပါပါဝင်ပစ္စည်းများပါသည့်
နူးညံ့ပျော့ပျောင်းသော ရှန်ပူဖြင့် လျှော်ပါ။
စက်ဝိုင်းကဲ့သို့ညင်သာစွာနှိပ်ပေးပါ။
သင့်ဆံသားနှင့်ဦးရေပြားကို တစ်ပတ်အတွင်း အကြိမ်များစွာ အောက်ပါပါဝင်ပစ္စည်းများပါသည့်
အလွန်ခံနိုင်စွမ်းမြင့်မားသော ဆေးဘက်ဆိုင်ရာ ရှန်ပူဖြင့် လျှော်ပါ။
စက်ဝိုင်းကဲ့သို့ညင်သာစွာနှိပ်ပေးပါ။
သင့်ဆံသားနှင့် ဦးရေပြားကို အောက်ပါ ပါဝင်ပစ္စည်းများပါသည့် အလွန်ခံနိုင်စွမ်းမြင့်မားသော ဆေးဖက်ဆိုင်ရာ ရှန်ပူဖြင့် လျှော်ပါ။
ရှန်ပူကို တစ်ပတ် ၂ ကြိမ် အထိ ၁၅ ရက်မှ ၂၁ ရက်အကြာ အသုံးပြုသင့်ပါသည်။ ထို့နောက် ကာကွယ်မှုဖြင့် တစ်ပတ်တစ်ကြိမ်ပျော့ပျောင်းသော ရှန်ပူဖြင့် တစ်လှည့်စီအသုံးပြုပါ။
ရှန်ပူကို သင့်ဦးရေပြားပေါ်တွင် အထူးသဖြင့် အဖတ်များဖြစ်ပွားရာနေရာတွင် မိနစ်ပိုင်းလောက်ထားပါ။ ရှန်ပူသည် ခရင်မ်အမျိုးအစားဖြစ်ပါက ၎င်း၏ပါဝင်ပစ္စည်းများသည် မျက်လုံးထဲသို့ စိမ့်ကျခြင်းမရှိပါ။
စက်ဝိုင်းကဲ့သို့ညင်သာစွာနှိပ်ပေးပါ။
သင့်ဆံသားကို သေချာစွာဆေးကြောပါ။
သင့်ဆံသားကို ဂရုစိုက်၍အခြောက်ခံပါ။ အကယ်၍ dryer အသုံးပြုပါက သင့်ဦးရေပြားကို ထိခိုက်မှု မရှိစေရန် အလွန်ပူသောလေများ အသုံးပြုခြင်းမှ ရှောင်ရှားပါ။
သင့်ဦးရေပြားကို ကုတ်ခြင်းများ မပြုလုပ်ပါနှင့်။ သို့မှသာ အခြေအနေပိုမဆိုးရွားမည်ဖြစ်ပါသည်။
